Nagradna igra – Ulov mjeseca JUN 2022
Priveli smo kraju i izbor za nagradu Ulov mjeseca juna, a nagrađeni su sljedeći učesnici:
Prvo mjesto i vaučer u iznosu od 50 eura koga može potrošiti u Uninim prodavnicama SIPA ili Marine Centru osvojio je Nikola Bjelanović sa ulovljenom oradom od 6,750 kg.
Orada je uhvaćena u Kotorskom zalivu, a pri ulovu je korištena podvodna puška.
Drugo mjesto i vaučer u iznosu od 30 eura koga može potrošiti u Uninim prodavnicama SIPA ili Marine Centru osvojio je Dušan Vukčević sa zubatcem krunašom od 10.2 kg.
Dušan je svoj ulov opisao sljedećim riječima:
“Krunaš je ulovljen na dubini od 93 metra, tehnikom vertikalnog povlačenja sa dna varalice silikonske lignje proizvodnje Moonshine baits. Varalica je bila pink šljokičasta sa dodatkom na kracima bijele boje. Nakon par povlačenja sa dna od nekih 10 metara, krunaš je već u trećem zgrabio varalicu i borba je počela. Od snažnog povlačenja čak je i mašinica dimila.
Riba se borila do pod samu površinu, gdje joj je izašao mjehur radi brze promjene dubine. Pri ulovu je korišten 250-gramski štap za tehniku slow jigging”
Treće mjesto i vaučer u iznosu od 20 eura za potrošnju u SIPA prodavnicama ili Marine Centru osvojio je Mihailo Stjepaničić sa škrpinom od 1,5kg.
Prema Mihailovima riječima, škrpina je ulovljena opremom koja je kupljena u Sipa prodavnici. Korištena je mašinica Okuma Azores 6500 i varalica JLC Xipi.
Ulov je ostvaren kod Mamule na dubini od oko 45 metara.
