Nagradna igra – Ulov mjeseca AVGUST 2022
Priveli smo kraju i izbor za nagradu Ulov mjeseca avgusta, a nagrađeni su sljedeći učesnici:
Prvo mjesto i vaučer u iznosu od 50 eura koga može potrošiti u Uninim prodavnicama SIPA ili Marine Centru osvojio je Zoran Ćuk sa ulovljenom tunom od 180 kg.
Zoran je kao mamac koristio živu skušu, dok je borba sa tunom trajala preko dva i po sata.
Od opreme korištena je mašinica Shimano Tiagra 80lb, te najlon 1.00mm.
Drugo mjesto i vaučer u iznosu od 30 eura koga može potrošiti u Uninim prodavnicama SIPA ili Marine Centru osvojio je Danijel Vulević sa iglanom od 9.2 kg.
Ulov je ostvaren kod Luštice, a kao oprema korišteni su štap Daiwa Jigger 2.4m 60-100g, konac Kairiki Shimano 0.25 i najlon Fluorocarbon 0.50 Duel.
Danijel je ulov opisao sljedećim riječima:
“Krenuo sam kajakom od Luštice prema vani. Na sonaru sam primijetio sitnu ribu. Zabacio sam ispod jig 60g Savage Gear Mackarel Dekor. Na prvi udarac je uhvaćen. Vukla me je jedno 20 minuta dok se nije umorila.”
Treće mjesto i vaučer u iznosu od 20 eura za potrošnju u SIPA prodavnicama ili Marine Centru osvojio je Dalibor Božinović sa oradom od 3,8kg.
Orada, ili kako Dalibor kaže “kraljica mora”, uhvaćena je u Bokokotorskom zalivu u jutarnjim časovima iz barke.
“Kao mamac koristio sam mušlju i imao sam malu pomoć pri izvlačenju od moja dva sina, Viktora i Dominika”, dodao je Dalibor.
